Pasimi i Pejgamberit [sal-lallahu alejhi ve sel-lem].

Pasimi i Pejgamberit [sal-lallahu alejhi ve sel-lem]

"Thuaj: "Binduni All-llahut dhe të dërguarit, e ata qe refuzojnë, atëherë All-llahu nuk i do pabesimtarët!"
    Pasimi i Pejgamberit [sal-lallahu alejhi ve sel-lem] do të thotë ta ndjekësh atë dhe ta pasosh  në ibadete, në fjalë, në vepra dhe në shmangie (nga të ndaluarat).
    Të punosh ashtu siç ka punuar i Dërguari i All-llahut [sal-lallahu alejhi ve sel-lem], në atë mënyrë që ka punuar duke filluar prej farzeve, mendubeve, mubaheve dhe mekruheve duke pasur qëllim dhe dëshirë me atë vepër dashurinë e All-llahut dhe pasimin e Pejgamberit [sal-lallahu alejhi ve sel-lem].
 
        Pasimi i Pejgamberit [sal-lallahu alejhi ve sel-lem] ka pozitë të madhe në fenë e All-llahut. Për këtë flasin ajetet e All-llahut të Madhërishëm.
        1. Ndjekja e Pejgamberit [sal-lallahu alejhi ve sel-lem] është prej bazave më të rëndësishme, me të cilën ka ardhur Pejgamberi [sal-lallahu alejhi ve sel-lem]. All-llahu i Madhërishëm për këtë thotë në Kur`anin Fisnik:
        "O ju që besuat, bindjuni All-llahut, respektoni të Dërguarin dhe përgjegjësit nga ju. Nëse nuk pajtoheni për ndonjë çështje, atëherë parashtrone atë te All-llahu (te libri i Tij) dhe te i Dërguari, po qe se i besoni All-llahut dhe ditës së fundit. Kjo është më e dobishmja dhe përfundimi më i mirë."  [En-Nisa, 59]
        Thotë Atau në spjegimin e këtij ajeti: Ndjekja e Pejgamberit [sal-lallahu alejhi ve sel-lem] do të thotë  të punosh me Ku`ran dhe Sunnet.
 
        2.  Ndjekja e Pejgamberit [sal-lallahu alejhi ve sel-lem] është gjysma e Shahadetit. Kur ti thua “Esh-hedu en la ilahe il-lall-llah ve esh-hedu en-ne Muhammeden abduhu ve resuluhu”. Kuptimi i kësaj fjale është: “Besoj se nuk adhuroj tjetër përveç All-llahut dhe se nuk ndjeki tjetër përveç Pejgamberit [sal-lallahu alejhi ve sel-lem]. Dhe kjo na jep kuptimin e vërtetë te Shahadetit, i cili është: S`ka të adhuruar më të drejtë përveç All-llahut dhe se Muhmammedi [sal-lallahu alejhi ve sel-lem] është rob dhe i dërguari i Tij.
 
        3. Ndjekja e Pejgamberit [sal-lallahu alejhi ve sel-lem] është kushti i dytë për t'u pranuar veprat.
        Thotë All-llahu i Madhëruar në Kur'an: "Kush ka fe më të mirë se ai i që sinqerisht i është bindur All-llahut dhe, duke qenë bemires." [En-Nisa, 125]
        Dije se për t`u pranuar vepra tek All-llahu dhe për të marrë shpërblim tek All-llahu për ibadetin tënd patjetër duhesh t`i plotësosh dy gjëra:
        1.  Që t`i dorëzohesh All-llahut me Teuhid, t`i nënshtrohesh me bindje dhe respektim duke u larguar nga shirku. Dmth t`ia dorëzosh veten tënde All-llahut të Madhëruar me zemër dhe me gjymtyrë duke e pasuar Pejgmaberin alejhi salatu ve selam.
        2. Ta bësh nijetin-[sal-lallahu alejhi ve sel-lem]llimin e sinqertë vetëm për All-llahun e Madhëruar.
 
        4.  Ndjekja e Pejgamberit [sal-lallahu alejhi ve sel-lem] është rrugë për ngritjen e fesë Islame, për arritjen e shpërblimit dhe për shpëtimin nga fitnet e ndryshme.
        Thotë All-llahu në Kur`an: "Thirrjen e të dërguarit mos e konsideroni si thirrjen tuaj ndaj njëri-tjetrit. All-llahu i di ata që tërhiqen prej jush tinëzisht, prandaj, le të ruhen ata që kundërshtojnë rrugën e tij (të të dërguarit) se ata do t'i zë ndonjë telashe, ose do t'i godasë dënimi i idhët." [En-Nur, 63]
        Thotë Imam Ahmedi, All-llahu e meshiroftë: A e  dini çka është Fitne (sprova)?! Fitneja është Shirku. Njeriu kur të kundërshton ndonjë gjë prej fjalëve të Pejgamberit [sal-lallahu alejhi ve sel-lem] do ta godasë ndonjë sëmundje në zemrën e tij dhe do të shkatërrohet.
        Për këtë arsye Ebu Bekri [radijall-llahu anhu] ka thënë: "Nuk kam lënë asnjë gjë prej urdhrave të të Dërguarit të All-llahut, megjithatë unë frikësohem që të më sëmuret zemra ime dhe të shkatërrohem."
 
        5. Ndjekja e të Dërguarit të All-llahut është argument që ti e do All-llahun dhe të Dërguarin  e Tij dhe është rrugë që ty të falen gjynahet tua.
        Për këtë All-llahu thotë në Kur`an, në suren Ali Imran:  "Thuaj: Nëse e doni All-llahun, atëherë ejani pas meje që All-llahu të ju dojë, t'ju falë mëkatet tuaja, se All-llahu është që fal shumë, mëshiron shumë." [Ali Imran, 31]
 
        6. Për ndjekjen e Pejgmaberirt [sal-lallahu alejhi ve sel-lem] ka shpërblim me Xhennetin e All-llahut.
        Thotë i Dërguari i All-llahut, Muhammedi [sal-lallahu alejhi ve sel-lem]: "Të gjithë ummeti im do të hyjë në Xhennet përveç atij që kundërshton. I thanë: E kush kundërshton o i Dërguari i All-llahut?! Tha: Kush më ndjek mua do të hyjë në Xhennet dhe kush më kundërshton mua do të hyjë në Xhehenem." (Transmeton Buhariu dhe Muslimi)
 
        7. Ndjekja e Pejgamberit [sal-lallahu alejhi ve sel-lem] është cilësi e besimtarëve dhe shënjë e të devotshmëve.
        All-llahu i Gjithëfuqishëm thotë: "Kush respekton All-llahun dhe të dërguarin e Tij, ia ka frikën All-llahut dhe i përmbahet udhëzimit të Tij, të tillët janë ata që do të arrijnë atë që dëshirojnë." [En-Nur, 52]
        "Për Zotin tënd jo, ata nuk janë besimtarë (të asaj që të zbriti ty as të asaj para teje) derisa të mos zgjedhin ty për të gjykuar në atë konflikt mes tyre, e pastaj (pas gjykimit tënd) të mos ndiejnë pakënaqësi nga gjykimi yt dhe (derisa) të mos binden sinqerisht." [En-Nisa,65]
        Në Tefsirin e këtij ajeti Ibni Kethiri thotë:  Betohet All-llahu i madhëruar në vetveten e Tij se nuk ka besuar askush përderisa mos ta zgjedhin të Dërguarin e All-llahut gjykues në të gjitha çështjet, dhe se ajo çka gjykon është e vërtetë dhe obligohemi t`i nënshtrohemi plotësisht asaj me anën e jashtme dhe të brendshme.
 
        Si bëhet pasimi i të Dërguarit të All-llahut
[sal-lallahu alejhi ve sel-lem]?
        Pasimi i të Dërguarit të All-llahut [sal-lallahu alejhi ve sel-lem] bëhet në katër gjëra:
        1. Në bindje
        2. Në fjalë
        3. Në vepër dhe
        4. Në shmangie (nga të ndaluarat)
 
        Për sëcilën inshAll-llah do të sjellim shembuj:
        1. Pasimi i të Dërguarit të All-llahut [sal-lallahu alejhi ve sel-lem], në bindje bëhet duke besuar në atë qe ka besuar i Dërguari i All-llahut,  në atë mënyrë në të cilën ka besuar dhe këtu në bindje hynë; Fjala e zemrës e cila është besimi, dhe vepra e zemrës e cila është sinqeriteti, dëshmia, mbështetja, frika, shpresa, nënshtrimi dhe të tjera.
        2. Pasimi i Pejgamberit [sal-lallahu alejhi ve sel-lem] në fjalë bëhet: Duke i marrur shembull fjalët e tij dhe duke besuar në atë qe ka lajmëruar Pejgamberi [sal-lallahu alejhi ve sel-lem] e jo vetëm duke i përsëritur fjalët e tija me gjuhë, pa i praktikuar në vepër. P.sh: Pejgmaberi [sal-lallahu alejhi ve sel-lem] ka thënë: Falnu ashtu siç më keni parë mua duke u falur. Ne duhet të falemi ashtu siç është falur Pejgmaberi [sal-lallahu alejhi ve sel-lem] në atë mënyrë si  na ka treguar ai.
        3. Pasimi i të Dërguarit të All-llahut në vepër bëhet duke vepruar ashtu si ka vepruar Pejgamberi [sal-lallahu alejhi ve sel-lem] dhe për shkakun që ai ka vepruar, dhe
       4. Pasimi i pejgamberit [sal-lallahu alejhi ve sel-lem] në shmangie (nga të ndaluarat) duke lënë atë që Pejgmaberi [sal-lallahu alejhi ve sel-lem] e ka lënë në atë mënyrë qysh e ka lënë për shkak që ai e ka lënë dhe ta ndjekesh  të Dërguarin e All-llahut në çdo vepër.
        E lusim All-llahun e madhëruar që të na bëjë prej atyre që e pasojnë  Pejgmaberin [sal-lallahu alejhi ve sel-lem] në çdo vepër të tij në besim, fjalë, vepër dhe lënie dhe e lusim All-llahun që t'na mundësojë të bashkohemi me Pejgamberin [sal-lallahu alejhi ve sel-lem] në Xhennetul Firdeus.
        Amin!
 
 
        Marrë nga libri:  "Fikhul Hadith (1)"
        Autori: Dr. Muhamed Jusri
        Përktheu: Lulzim Kabashi
        24 prill 2008

GenIus.